मंगलवार , आश्विन २७, २०८३
रुपन्देही,२७ असोज – रुपन्देहीको रोहिणी गाउँपालिका–३, टुलटेलसस्थित भैरहवा–परासी हुलाकी सडकखण्डमा अटो र मोटरसाइकल एकआपसमा ठोक्किँदा एक महिलाको मृ त्यु भएको छ भने मोटरसाइकल चालक घा इते भएका छन् ।
मंगलबार अपराह्न ४ः३० बजे भैरहवाबाट धकधईतर्फ गइरहेको लु.प्र.०१–००१ ह २६०० नम्बरको अटो र सोही दिशामा गुडिरहेको लु.प्र.०१–००६ प ९३०२ नम्बरको मोटरसाइकल दुर्घटनामा परेका हुन् ।
दुर्घटनामा मोटरसाइकलको पछाडि सवार नवलपरासी पश्चिमको सरावल गाउँपालिका–५ निवासी ४६ वर्षीया रितादेवी कहारको मृ त्यु भएको हो । दुर्घटनापछि घाइते अवस्थामा उनलाई उपचारका लागि भैरहवास्थित मेडिकल कलेज पु¥याइएको थियो । चिकित्सकले अपराह्न ४ः४५ बजे उनलाई मृ त घोषणा गरेका थिए ।
दुर्घटनामा सोही स्थानका मोटरसाइकल चालक २४ वर्षीय शिवकुमार कहार सामान्य घा इते भएका छन् ।
प्रहरीले दुर्घटनामा संलग्न अटोका चालक रुपन्देहीको ओमसतिया गाउँपालिका–४ निवासी ४६ वर्षीय मुवारक ओलीलाई नियन्त्रणमा लिएको छ। दुर्घटनामा परेका दुवै सवारीसाधनसमेत नियन्त्रणमा लिएर घटनाबारे थप अनुसन्धान भइरहेको छ ।
© 2026 All right reserved to sindhulisaugat.com
Design & Developed By
