बुधवार , आषाढ ३, २०८३
सिन्धुली,०३ असार – राष्ट्रिय स्वतन्त्र पार्टी (रास्वपा) बागमती प्रदेशको प्रथम अधिवेशनबाट सिन्धुलीका जगत रुम्बा प्रदेश सदस्यमा निर्वाचित भएका छन् । सिन्धुली जिल्ला क्षेत्र नम्बर २ को प्रतिनिधित्व गर्दै प्रतिस्पर्धामा उत्रिएका रुम्बाले ४०० मत प्राप्त गर्दै विजय हासिल गरेका हुन् ।
गत शनिवार सम्पन्न निर्वाचन परिणामअनुसार उनका निकटतम प्रतिस्पर्धी शंकरप्रसाद उप्रेतीले ३७६ मत प्राप्त गरे । रुम्बाले उप्रेतीलाई २४ मतको अन्तरले पराजित गर्दै प्रदेश सदस्य पदमा आफ्नो स्थान सुनिश्चित गरेका हुन् ।
हरिहरपुरगढी गाउँपालिका–१, सिन्धुली निवासी रुम्बाको विजयलाई स्थानीय तहदेखि प्रदेश तहसम्म पार्टीभित्र सक्रिय रूपमा काम गर्दै आएका कार्यकर्ताहरूले सकारात्मक रूपमा लिएका छन् । बागमती प्रदेशको प्रथम अधिवेशनमार्फत चयन भएको नयाँ नेतृत्वमा उनी प्रदेश सदस्यका रूपमा निर्वाचित भएका हुन् ।
रास्वपाको स्थापना कालदेखि नै पार्टी संगठन निर्माण, विस्तार र सुदृढीकरणका विभिन्न अभियानमा सक्रिय भूमिका निर्वाह गर्दै आएका रुम्बा पार्टीभित्र संघर्षशील तथा समर्पित कार्यकर्ताका रूपमा परिचित छन् । पार्टीको प्रारम्भिक चरणदेखि नै विभिन्न गतिविधिमा संलग्न रहँदै आएका उनले संगठन विस्तार र जनसम्पर्क अभियानमा निरन्तर योगदान पु¥याएको सहकर्मीहरूको भनाइ छ ।
प्रदेश अधिवेशनअन्तर्गत सम्पन्न निर्वाचनमा क्षेत्र नम्बर २ बाट भएको प्रतिस्पर्धा निकै प्रतिस्पर्धात्मक बनेको थियो । मतगणनाको अन्तिम नतिजाले भने रुम्बाको पक्षमा स्पष्ट बहुमत देखाएको छ । ४०० मतसहित विजयी बनेका उनले प्रदेशस्तरको नेतृत्वमा आफ्नो उपस्थिति स्थापित गरेका छन् भने ३७६ मत प्राप्त गरेका उप्रेती सम्मानजनक मतसहित पराजित भएका छन् ।
बागमती प्रदेशको प्रथम अधिवेशनबाट निर्वाचित नयाँ नेतृत्वले आगामी दिनमा पार्टी संगठनलाई थप सुदृढ बनाउने अपेक्षा गरिएको छ । त्यसैक्रममा प्रदेश सदस्यमा निर्वाचित रुम्बाले पनि पार्टीको नीति, कार्यक्रम र संगठन विस्तारलाई प्रभावकारी रूपमा अघि बढाउने जिम्मेवारी वहन गर्ने विश्वास गरिएको छ ।
© 2026 All right reserved to sindhulisaugat.com
Design & Developed By
