सोमवार , आषाढ ६, २०७९
सिन्धुली – जिल्ला समन्वय समितीको कार्यालय सिन्धुलीको आइतबार बसेको बैठकले समन्वय समितीको सदस्य पदमा निर्वाचित भएका उत्पल खड्कालाई प्रबक्ताको जिम्मेवारी तोकेको छ ।
समितिका संयोजक कारसाङ लामाको अध्यक्षतामा बसेको बैठकले खड्कालाई प्रबक्ताको जिम्मेवारी तोकेको हो । खड्का समन्वय समितीको निर्वाचित खुल्ला सदस्य हुनु हुन्छ । समन्वय समितिको सदस्यको उम्मेदवार मनोनयन गर्दा खड्का कमलामाइ नगरपालिका वडा नम्बर –६ को खुल्ला सदस्यमो निर्वाचित हुनु भएको थियो ।
सिन्धुलीमा चुनाबी गठबन्धन दल नेपाली काँग्रेस र नेकपा माओबादी केन्द्रबिच समन्वय समितीको निर्वाचनमा समेत गठबन्धन रहेको थियो । गठबन्धन दलका सबै उम्मेदवार समन्वय समितिमा निर्वाचित भएका थिए ।
समितीको प्रमुखमा माओबादी केन्द्रका कारसाङ लामा विजयी हुनु भएको थियो । लामाले १४ मत प्राप्त गरि विजयी हुनु भएको हो । उहाँका प्रतिद्धन्दी एमाले समाजवादीका उम्मेदवार सुर्य पाख्रीनले ४ मत मात्र प्राप्त गर्नु भएको थियो ।
यस्तै नेपाली काँग्रेसबाट समितीको उपप्रमुखमा शान्ता कार्की विजयी हुनु भएको थियो भने सदस्यमा सुर्य बहादुर तामाङ, बहादुर तामाङ, उत्पल खड्का, महिला सदस्य पुष्पा कुमारी धामी, सुनिता कुमारी थापामगर, बालकुमारी मगर र दलित सदस्य तर्फ गोकर्ण सार्की विजयी हुनु भएको थियो ।
© 2026 All right reserved to sindhulisaugat.com
Design & Developed By
