मंगलवार , फाल्गुण १७, २०७८
सिन्धुली– सिन्धुलीको मरिण गाउँपालिकामा सोमबार राति मोटरसाइकल दुर्घटना हुँदा एकजनाको मृत्यु भएको छ । मरिण गाउँपालिका वडा नम्बर ६ भुताहा खोला स्थित मदन भण्डारी राजमार्गमा ना ५१ प ७६१५ नम्बरको मोटरसाइकल दुर्घट्ना हुँदा चालकको घट्नास्थलमै मृत्यु भएको प्रहरीले जनाएको छ ।
सिराहाको नवराजपुर गाउँपालिकाका २५ वर्षिया सविन यादवको मृत्यु भएको छ भने पछाडी सवार राकेश यादव गम्भिर घाइते छन् । उनलाई लालगढस्थित मोडल अस्पतालमा थप उपचारकालागि रिफर गरिएको छ । मरिणबाट हरिहरपुरगढितर्फ जादैँ गरेको मोटरसाइकल आफैँ अनियन्त्रित भई दुर्घट्ना भएको प्रहरीले जनाएको छ ।
मृतक यादव मदनभण्डारी राजमार्ग अन्तर्गत धरान–चतरा सडकखण्ड निर्माण कार्यमा संलग्न रहेको कालिका कन्स्ट्रक्सनका शाखा प्रबन्धक रहेको बुझिएको छ ।
© 2026 All right reserved to sindhulisaugat.com
Design & Developed By
