सोमवार , जेठ २६, २०७७
लकडाउनका कारण ठप्प रहेको शैक्षिक संस्थाले अहिले विद्युतिय पठन सामाग्रीतर्फ विद्यार्थीलाई प्रेरित गरिरहेका छन् । काठमाडौँ लगायत विभिन्न ठाउँमा स्थापित ठूला शैक्षिक संस्थाले विद्यार्थीलाई डिजिटल माध्यमबाट शिक्षा दिइरहेका छन् । यता, कर्णाली प्रदेशको एक विद्यालयले भने सिमित श्रोतका बाबजुद विद्यार्थीहरुसँग प्रविधिको माध्यममबाट जोडिरहेको छ । सल्यानको शारदा नगरपालिकामा रहेको एमएम एकेडेमिले विद्यार्थीहरुसँग जोडिन डिजिटल माध्यमबाट उत्प्रेरणा कक्षा संचालन गरिरहेको छ । विद्यालयले सोमबार कक्षा ९ र १० का विद्यार्थीलाई उत्प्रेरणा कक्षा संचालन गरेको छ । उत्प्रेरणा कक्षामा सिटिएफ नेपालका उत्प्रेरक रवि किरणले प्रशिक्षण दिएका थिए । उक्त कार्यक्रमको संचालन सिटिएफका ५ नम्बर प्रदेश कार्डिनेटर अशोक सुवेदिले गरेका थिए भने शुभकामना मन्तव्य सिटिएफका केन्द्रिय अध्यक्ष बद्री दाहाल र अभिभावक रमेश गौतमले राखेका थिए । त्यसैगरि, स्वागत मन्तव्य विद्यालयका अध्यक्ष महेश देवकोटाले राखेका थिए । उक्त उत्प्रेरणा कक्षामा कक्षा ९ र १० का ३ दर्जन बढि विद्यार्थी रहेको अध्यक्ष देवकोटाले बताए ।
© 2026 All right reserved to sindhulisaugat.com
Design & Developed By
