शनिवार , जेठ २४, २०७७
सिन्धुली,२४ जेठ – सिन्धुलीको दुधौली नगरपालिकाका ७६ जनाको पिसिआर रिर्पोट नेगेटिभ आएको छ । हालसालै भारतबाट आएर नगरपालिकाले बनाएको क्वारेन्टाईनमा बसेकाहरुको स्वाब संकलन गरेर परिक्षण गर्दा कोरोना भा ईरस नेगेटिभ देखिएको हो ।
भारतबाट आएर क्वारेन्टाईनमा बसेका ६४ जना र अग्रपंक्तीमा रहेर काम गर्ने १२ जनामा कोरोना भाईरस नेगेटिभ आएको दुधौली नगरपालिकाका प्रमुख घनश्याम राउतले जानकारी दिनुभयो । उनीहरु सबैको गत विहिवार स्वाब संकलन गरी किटजन्य प्रयोगशाला हेटौँडामा परिक्षण गर्न पठाईएको थियो ।
भारतबाट आएका ६४ जना दुधौली नगरपालिका स्थित कमला बहुमुखी क्याम्पस र कमला मा. वि भलुवाही क्वारेन्टाइनमा बसेका थिए । उनीहरु सबै रिपोर्ट नेगेटिभ आएपछि उनीहरुलाई घर पठाउने तयारी भईरहेको नगरप्रमुख राउतले जानकारी दिनुभयो ।
© 2026 All right reserved to sindhulisaugat.com
Design & Developed By
