मंगलवार , बैशाख ३०, २०७७
सिन्धुली,३० बैशाख – भारतले नेपाली भूभाग मिचेर सडक बनाएको विरोधमा नेकपा (क्रा’न्तिकारी माओवादी) निकट ट्रेड यूनियन महासंघले आज मंगलबार सिन्धुलीको कमलामाइ नगरपालिका ९ को भिमानमा वि’रोध र्याली गरेको छ ।
र्यालीमा कालापानी, लिपुलेक, लिम्पियाधुरा नेपालको भएको भन्दै भारतीय हस्तक्षेप विरुद्ध चर्का नारावाजी गरिएको थियो ।
यूनियनले गरेको र्यालीमा राष्ट्रिय स्वाधिनताको रक्षा, भारतीय सेनालाइ कालापानीबाट फिर्ता गराउन सम्पूर्ण देशभक्त एकजुट भएर लाग्नुपर्ने नारा लागेको थियो ।
भिमान बजार परिक्रमा पश्चात आयोजित सभामा अखिल नेपाल क्रान्तिकारी ट्रेड यूनियन महासंघका महासचिव वसन्त बोगटीले राष्ट्रिय स्वाधिनता र सिमा बचाउ आन्दोलनको शुरुवात भएको भन्दै देशको स्वाधिनताका लागि आफुहरु वलिदानी दिन तयार रहेको बताउनुभयो । विरोध कार्यक्रममा भएको प्रहरी हस्तक्षेपको उनीहरुले विरोध गरेका छन् ।
© 2026 All right reserved to sindhulisaugat.com
Design & Developed By
