सोमवार , चैत्र १०, २०७६
सिन्धुली,१० चैत – विश्वभर माहामारीको रुपमा फैलिएको कोरोना भाईरस्(कोभिड–१९) को संक्रमण भित्रिन नदिन गोलन्जोर गाउपालिका –१ का युवाहरु सचेतनामुलक अभियानमा सक्रिय भएका छन् ।
युवाहरुले कोरोना भाईरस्(कोभिड–१९) को संक्रमण भित्रिन नदिन गोलन्जोर गाउँपालिका –१ च्याकुटार बेशीको विभिन्न स्थानमा साबुन पानी सहित बाल्टिनको धारा बनाएर राखेका छन् ।
प्रगतिशिल युवा सेवा समिती गोलन्जोर –१ च्याकुटारबेशीले कोरोना भाईरस्को संक्रमण बाट बच्नका लागि मानिसको बढी भिडभाड हुने वडाका ६ स्थानमा धारा बनाएर राखेको समितिका अध्यक्ष विष्णुहरि न्यौपानेले जानकारी दिनुभयो ।
युवा समितिले ‘कोभिड –१९ विरुद्ध हाम्रो अभियान, साबुन पानीले हात धुन सबैलाइ आह्वान’ भन्ने मुल नाराका साथ धारा बनाउने देखि कोरोना भाईरस् सम्बन्धित सचेतनामुलक अभियानहरु संचालन गरिएको उहाँले जानकारी दिनुभयो ।
© 2026 All right reserved to sindhulisaugat.com
Design & Developed By
