आइतवार , आषाढ १, २०८२
काठमाडौँ, ०१ असार – त्रिदेशीय टी–२० अन्तर्राष्ट्रिय क्रिकेट शृंखला आजदेखि स्कटल्यान्डमा सुरु हुँदैछ। शृंखलाको उद्घाटन खेलमा आज घरेलु टोली स्कटल्यान्ड र नेदरल्यान्ड्स आमनेसामने हुनेछन्।
खेल नेपाली समयअनुसार साँझ पौने ७ बजे ग्लास्गोमा सुरु हुनेछ। नेपालले प्रतियोगिताको पहिलो खेल भोलि सोमबार नेदरल्यान्ड्सविरुद्ध खेल्नेछ। शृंखलाका लागि नेपाली टोलीमा दुई नयाँ अनुहारले स्थान बनाएका छन् – तीव्र गतिका बलर रुपेश सिंह र स्पिन अलराउन्डर किरण ठगुन्ना। अभ्यास खेलमा घाइते भएका अनुभवी खेलाडी सोमपाल कामी र गुलशन झा भने शृंखलाबाट बाहिरिएका छन्।
त्रिदेशीय शृंखलामा नेपाल, स्कटल्यान्ड र नेदरल्यान्ड्स सहभागी छन्। शृंखलाबाट नेपालले आगामी अन्तर्राष्ट्रिय प्रतियोगिताहरूको तयारीको दृष्टिले महत्वपूर्ण अनुभव बटुल्ने अपेक्षा गरिएको छ।
© 2026 All right reserved to sindhulisaugat.com
Design & Developed By
