शुक्रवार , आश्विन २, २०८३
नेपालगञ्ज,०२ असोज – बाँकेको खजुरा गाउँपालिकामा भएको सवारी दुर्घटनामा अटो चालकको मृत्यु भएको छ । खजुरा गाउँपालिका–२ स्थित रिमझिम चोक नजिकैको भित्री सडकखण्डमा भे.२ ह. २१ नम्बरको इलेक्ट्रिक अटो अनियन्त्रित भई सडकबाट बाहिरिएर खेतमा पल्टिँदा चालक मुकेश वि.क. घाइते भएका थिए ।
दुर्घटनापछि घाइते वि.क.लाई तत्काल उपचारका लागि सञ्जीवनी कलेज अफ मेडिकल साइन्सेज प्रा.लि., नेपालगन्ज अस्पताल पु¥याइएको थियो। उपचारका क्रममा चिकित्सकले उनलाई मृत घोषणा गरेका हुन् ।
उक्त अटोमा चालकसहित पाँच जना सवार रहेकोमा अन्य चार जना यात्रु भने सकुशल रहेको जनाइएको छ । घटनाबारे थप विवरण तथा दुर्घटनाको कारणबारे सम्बन्धित निकायबाट अनुसन्धान भइरहेको छ ।
© 2026 All right reserved to sindhulisaugat.com
Design & Developed By
