मंगलवार , श्रावण १२, २०८३
काठमाडौं ,१२ साउन - नेपाली बजारमा मंगलबार सुनचाँदीको मूल्य ओरालो लागेको छ । सोमबारको तुलनामा मंगलबार छापावाल सुनको मूल्य तोलामा ४ हजार ३०० रुपैयाँले घटेको हो ।
योसँगै मंगलबार छापावाल सुनको मूल्य प्रतितोला २ लाख ८४ हजार २०० रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
सोमबार १ हजार ४०० रुपैयाँले बढेर छापावाल सुनको मूल्य प्रतितोला २ लाख ८८ हजार ५०० रुपैयाँ थियो । आइतबार १ हजार ६०० रुपैयाँले बढेर सुनको मूल्य प्रतितोला २ लाख ८७ हजार १०० रुपैयाँमा थियो ।
यसैगरी, मंगलबार चाँदीको मूल्य पनि तोलामा १३५ रुपैयाँले घटेर ४ हजार ३१० रुपैयाँ कायम भएको महासंघले जनाएको छ ।
सोमबार चाँदीको मूल्य तोलामा ३५ रुपैयाँले बढेर ४ हजार ४४५ रुपैयाँमा कारोबार भएको थियो । आइतबार चाँदीको मूल्य तोलामा ६० रुपैयाँले बढेर ४ हजार ४१० रुपैयाँमा थियो ।
© 2026 All right reserved to sindhulisaugat.com
Design & Developed By
