आज  बिस २०८३ असार ३० गते मंगलबार ईस २०२६ जुलाई १४ नेपाल सम्बत ११४६ तछलागा आमै, रौद्र नाम संवत्सर सूर्य उत्तरायण, गृष्म ऋतु, असार कृष्ण औंसी, चन्द्रमा मिथुन राशिमा, पुनर्वशु नक्षत्र, व्याघात योग, नाग करण । आज नेपालमा सुर्योदय बिहान ५ बजेर १७ मिनेटमा र सूर्यास्त साँझ ७ बजेर ३ मिनेटमा हुनेछ ।

मेष (चु, चे, चो, ला, लि, लु, ले, लो, अ) :- आज आफन्त तथा नजिकका व्यक्तिहरूसँगको भेटघाटले मन प्रफुल्लित रहनेछ । स्वादिष्ट भोजन तथा आतिथ्य सत्कारको अवसरले दैनिक जीवनमा सन्तुष्टि थप्नेछ ।आत्मविश्वास, दक्षता र समय व्यवस्थापनको उचित उपयोग गर्न सके अपेक्षित सफलता हात पार्न सकिनेछ ।

वृष (इ, उ, ए, ओ, बा, बि, बु, बे, बो) :- आज पारिवारिक वातावरणमा सामान्य तनाव वा असमझदारी देखा पर्न सक्छ । अनावश्यक खर्च नियन्त्रण गर्न नसके आर्थिक सन्तुलनमा असर पर्न सक्छ । नयाँ योजना, लगानी वा दीर्घकालीन निर्णय अघि बढाउँदा पर्याप्त अध्ययन र सतर्कता आवश्यक रहनेछ ।

मिथुन (का, कि, कु, घ, ङ, छ, के, को, ह) :-  आज आम्दानीका विविध स्रोतहरू खुल्ने सम्भावनाले आर्थिक स्थिति सुदृढ बन्ने संकेत छ । कार्य क्षेत्रमा उपलब्धि हासिल भई प्रतिष्ठा वृद्धि हुने समय रहेको छ । पारिवारिक वातावरण सुखद र उत्साहपूर्ण रहनेछ, जसले मानसिक सन्तुलन र सकारात्मक ऊर्जा प्रदान गर्नेछ ।

कर्कट (हि, हु, हे, हो, डा, डि, डु, डे, डो) :-  आज व्यवसाय विस्तारका नयाँ आयामहरू खुल्नेछन् भने कार्यस्थलमा सम्मान वा पदोन्नतिको प्रबल सम्भावना देखिन्छ । सहकर्मी तथा मित्रवर्गबाट सहयोग प्राप्त हुने भएकाले जटिल कार्यहरू पनि सहज रूपमा सम्पन्न हुनेछन् । सामाजिक सम्बन्धहरू थप प्रगाढ बन्नेछन् ।

सिंह (मा, मि, मु, मे, मो, टा, टि, टु, टे) :- आज सामाजिक तथा धार्मिक गतिविधिमा सक्रियता बढ्दै जानेछ, जसले प्रतिष्ठा र आत्मसन्तुष्टि दुवै वृद्धि गर्नेछ । रमाइलो यात्रा, भ्रमण वा सान्निध्यको अवसर प्राप्त हुन सक्नेछ । मानसिक रूपमा सन्तुलन र शान्तिको अनुभूति हुनेछ ।

कन्या (टो, प, पि, पु, ष, ण, ठ, पे, पो) :- आज आलस्यता तथा शारीरिक थकानका कारण कार्य क्षमतामा कमी आउन सक्ने भएकाले स्वास्थ्य प्रति विशेष सजग रहनु आवश्यक छ । व्यवसायिक क्षेत्रमा केही अवरोध वा विवाद उत्पन्न हुन सक्छ । धैर्य, संयम र विवेकपूर्ण निर्णयले परिस्थितिलाई सहज बनाउन मद्दत गर्नेछ ।

तुला (र, रि, रु, रे, रो, ता, ति, तु, ते) :-  आज उर्जा, उत्साह र प्रेरणाले भरिएको समय रहनेछ । यात्रा तथा बस्त्रसम्बन्धी व्यवसायमा लाभ प्राप्त हुने संकेत छन् । वैवाहिक जीवनमा देखिएका असमझदारी क्रमशः हट्दै जानेछन् र सम्बन्धमा मिठास थपिनेछ । सन्तानको तर्फबाट सुखद समाचार प्राप्त हुन सक्नेछ ।

वृश्चिक (तो, ना, नि, नु, ने, नो, या, यि, यु) :- आज कार्यस्थलमा देखिएका समस्याहरू समाधानतर्फ उन्मुख हुनेछन् र प्रतिस्पर्धीहरू कमजोर पर्नेछन् । यसले आत्मविश्वास र सन्तुष्टि बढाउनेछ । सर्जनात्मक तथा मनोरञ्जनात्मक गतिविधिमा संलग्न हुने अवसर प्राप्त भई जीवनमा नयाँ ऊर्जा सञ्चार हुनेछ ।

धनु (ये, यो, भ, भि, भु, ध, फा, ढ, भे) :-  आज शैक्षिक तथा बौद्धिक क्षेत्रमा प्रगतिको सम्भावना देखिन्छ । पारिवारिक तथा सामाजिक दायित्व पूरा गर्न समय खर्चिनुपर्नेछ । व्यवसाय वा रोजगारी सामान्य गतिमा अघि बढ्ने भए पनि निरन्तरता र अनुशासनले भविष्यका लागि सकारात्मक आधार तयार गर्नेछ ।

मकर (भो, ज, जि, खि, खु, खे, खो, गा, गि) :- आज स्वास्थ्यमा सामान्य कमजोरी महसुस हुन सक्ने भएकाले आराम र सन्तुलित आहार आवश्यक हुनेछ । खर्चको मात्रा बढ्न सक्ने हुँदा वित्तीय व्यवस्थापनमा सावधानी अपनाउनु उपयुक्त हुन्छ । विरोधी वा प्रतिस्पर्धी सक्रिय हुन सक्ने भएकाले सतर्कता र संयम आवश्यक रहनेछ ।

कुम्भ (गु, गे, गो, सा, सि, सु, से, सो, द) :- आज व्यवसाय विस्तारका अवसरहरू प्रबल देखिएका छन्, जसले आर्थिक उन्नतिमा सहयोग पुर्‍याउनेछ । मान सम्मान तथा सामाजिक प्रतिष्ठा वृद्धि हुने समय रहेको छ । दाजुभाइ तथा नातेदारबाट सहयोग प्राप्त भई कार्यहरू सहज रूपमा सम्पन्न हुनेछन् ।

मीन (दि, दु, थ, झ, ञ, दे, दो, च, चि) :-  आज आर्थिक पक्ष क्रमशः सुधारतर्फ उन्मुख रहनेछ । यद्यपि, वाणीमा संयम नअपनाए पारिवारिक वा आफन्तीय सम्बन्धमा विवाद उत्पन्न हुन सक्ने सम्भावना छ । विवेक, धैर्य र दूरदर्शी निर्णयले परिस्थितिलाई अनुकूल बनाउन मद्दत गर्नेछ ।

राशिफल जे जस्तो भएपनि तपाईंको दिन मंगलमय रहोस्