आज  वि.सं. २०८३ साल असार ३ गते । बुधबार । ईश्वी सन् २०२६ जुन १७ तारिख । नेपाल संवत् ११४६ । रौद्र संवत्सर । उत्तरायण । ग्रीष्म ऋतु । श्रीशाके १९४८ । ज्येष्ठ शुक्लपक्ष । तिथि–तृतीया, ५२ घडी २१ पला, रातको २ बजेर ६ मिनेट उप्रान्त चतुर्थी । नक्षत्र–पुनर्वसु, ३२ घडी ३ पला, बेलुकी ५ बजेर ५९ मिनेट उप्रान्त तिष्य । योग–ध्रुव, ५१ घडी २५ पला, रातको १ बजेर २५ मिनेट उप्रान्त व्याघात । करण–तैतिल, दिउँसो ३ बजेर १२ मिनेट उप्रान्त गर, रातको २ बजेर ६ मिनेट उप्रान्त वणिज । आनन्दादिमा–गद योग । चन्द्रराशि–मिथुन, मध्याह्न १२ बजेर २१ मिनेट उप्रान्त कर्कट ।

मेष (चु, चे, चो, ला, लि, लु, ले, लो, अ) :-  आज कर्म क्षेत्रमा उल्लेखनीय सफलता प्राप्त हुने संकेत देखिन्छ । योजनाबद्ध प्रयासले अपेक्षित उपलब्धि दिलाउनेछ । आर्थिक पक्ष सुदृढ रहँदा आय–आर्जनमा स्थायित्व आउनेछ । स्वादिष्ट भोजन तथा रमाइलो यात्राका अवसरहरूले दिनलाई थप उत्साहपूर्ण बनाउनेछन् ।

वृष (इ, उ, ए, ओ, बा, बि, बु, बे, बो):-  आज कार्ययोजनाको कार्यान्वयनमा केही ढिलाइ भएपनि अन्ततः सकारात्मक परिणाम हात पर्नेछ । व्यापार व्यवसायबाट लाभ प्राप्त हुने सम्भावना बलियो छ । यद्यपि, महत्वपूर्ण निर्णयमा विवेकपूर्ण सतर्कता अपनाउनु आवश्यक देखिन्छ ।

मिथुन (का, कि, कु, घ, ङ, छ, के, को, ह) :- आज उच्च आत्मबल र आत्मविश्वासका कारण साना प्रयासबाट पनि उल्लेखनीय उपलब्धि हासिल गर्न सकिनेछ । दीर्घकालीन योजनाहरू अघि बढाउन समय अनुकूल रहेको छ । पेशागत क्षेत्रमा प्रगतिको संकेत प्रबल देखिन्छ ।

कर्कट (हि, हु, हे, हो, डा, डि, डु, डे, डो)  :-  आज कार्य सम्पादनमा ढिलाइ र बढ्दो खर्चले केही दबाब सिर्जना गर्न सक्छ । आर्थिक सन्तुलन कायम राख्न सजगता आवश्यक छ । साथै, पारिवारिक सम्बन्धमा समझदारी र संयमता अपनाउनु हितकर रहनेछ ।

सिंह (मा, मि, मु, मे, मो, टा, टि, टु, टे) :- आज नयाँ जिम्मेवारीले आत्मविश्वासमा वृद्धि गर्दै कार्य क्षमतामा निखार ल्याउनेछ । श्रमको उचित मूल्यांकन भई मान–सम्मान प्राप्त हुने सम्भावना छ । भौतिक सुविधा र जीवनशैलीमा सुधारका संकेत देखिन्छन् ।

कन्या (टो, प, पि, पु, ष, ण, ठ, पे, पो) :- आज प्रतिष्ठित कार्यमा संलग्न भई प्रशंसा र मान्यता प्राप्त गर्ने अवसर मिल्नेछ । आम्दानीमा वृद्धि भई आर्थिक आधार मजबुत बन्नेछ । आफ्नो क्षेत्रमा प्रभुत्व स्थापित गर्न सकिने समय अनुकूल छ ।

तुला (र, रि, रु, रे, रो, ता, ति, तु, ते) :- आज आर्थिक व्यवस्थापनमा विशेष सावधानी आवश्यक देखिन्छ । संयमता र अनुशासन अपनाउँदा दीर्घकालीन लाभ सुरक्षित गर्न सकिनेछ । अनावश्यक कार्यमा समय खर्च नगरी प्राथमिकतामा केन्द्रित हुनु बुद्धिमानी हुनेछ ।

वृश्चिक (तो, ना, नि, नु, ने, नो, या, यि, यु) :- आज स्वास्थ्य प्रति सजग रहनु आवश्यक छ । सामाजिक तथा पारिवारिक जिम्मेवारी बढ्ने संकेत देखिन्छ । नयाँ कार्य प्रारम्भका लागि समय अनुकूल नभएकाले धैर्य र प्रतीक्षा उपयुक्त रहनेछ ।

धनु (ये, यो, भ, भि, भु, ध, फा, ढ, भे):- आज पारिवारिक समस्याहरू समाधानतर्फ अग्रसर भई सम्बन्ध सुदृढ हुनेछन् । सामाजिक तथा मनोरञ्जनात्मक गतिविधिमा संलग्न हुने अवसर प्राप्त हुनेछ । चुनौतीसँगै अवसर पनि आउने भएकाले विवेकपूर्ण निर्णयले लाभ दिलाउनेछ ।

मकर (भो, ज, जि, खि, खु, खे, खो, गा, गि): - आज लगनशीलता र निरन्तर प्रयासले सफलता सुनिश्चित गर्नेछ । यात्रा लाभदायी रहनुका साथै नयाँ अवसरको खोजीमा सहयोगी बन्नेछ । व्यापार व्यवसायमा सुधार र विस्तारका संकेत देखिन्छन् ।

कुम्भ (गु, गे, गो, सा, सि, सु, से, सो, द):-   आज मानसिक तनावमा कमी आई आत्मविश्वास बढ्नेछ । अध्ययन शिक्षामा उत्कृष्ट प्रदर्शन हुने सम्भावना छ । व्यवसायिक क्षेत्रमा लगनशीलता देखाए राम्रो प्रतिफल प्राप्त गर्न सकिनेछ ।

मीन (दि, दु, थ, झ, ञ, दे, दो, च,  चि) :- आज नयाँ कार्य प्रारम्भका लागि समय उपयुक्त देखिँदैन । स्वास्थ्य प्रति विशेष ध्यान दिनु आवश्यक छ । पारिवारिक सम्बन्धमा सन्तुलन र समझदारी कायम राख्दा समग्र वातावरण सकारात्मक बन्नेछ ।

राशिफल जे जस्तो भएपनि तपाईंको दिन मंगलमय रहोस्