२०८२ फागुन ८ गते (२० फेब्रुअरी २०२६) शुक्रवार, फाल्गुण शुक्लपक्ष तृतीया तिथि, १५ः३० बजेपछि चतुर्थी। उत्तरभाद्रपदा नक्षत्र। चन्द्रराशि मीन। मेष (चु, चे, चो, ला, लि, लु, ले, लो, अ) :- मन मिल्ने साथी भेटिनुका साथै प्रेम सम्बन्ध अझ कसिन सक्छ । भेटघाटले दिनको पूर्वार्ध रमाइलो रहनेछ । धन आर्जन गर्ने अवसर प्राप्त हुन सक्छ । रोकिएका काममा पुनः प्रयास गर्दा सफलता मिल्ने सम्भावना छ । परिवारसँगको सम्पर्कले मन प्रसन्न रहनेछ । नयाँ काम सुरु गर्ने अवसर जुट्न सक्छ । बृष (इ, उ, ए, ओ, बा, बि, बु, बे, बो) :- मन मिल्ने साथी भेटिएपनि आफ्ना भावना व्यक्त गर्न उपयुक्त समय कुर्नु उचित हुनेछ । भविष्यमा लाभ दिने काम प्रारम्भ गर्न सकिनेछ । दिगो आम्दानी हुने क्षेत्रमा लगानी गर्ने मौका मिल्न सक्छ । लामो यात्राको सम्भावना छ । नजिकका साथी टाढिए पनि टाढाका साथीहरूसँग सम्बन्ध प्रगाढ हुन सक्छ । मिथुन (का, कि, कु, घ, ङ, छ, के, को, ह) :- मित्रहरूको सहयोगले काममा उत्साह थपिनेछ । प्रतिष्ठित कार्यमार्फत धेरैको मन जित्न सकिनेछ । आफ्नो क्षेत्रमा प्रभाव बढ्नेछ । आम्दानी सामान्य रहेपनि खर्चले चिन्ता बढाउन सक्छ । छिमेकमा असमझदारी बढ्न सक्छ, बलजफ्ती गर्दा काम बिग्रन सक्छ । कर्कट (हि, हु, हे, हो, डा, डि, डु, डे, डो) :- अप्ठ्यारा कामको बोझ थपिन सक्छ । आश्वासन दिनेहरूबाट झुक्किने सम्भावना छ, अरूको विश्वास गर्दा धोका हुन सक्छ । व्यापारमा ठूलो उपलब्धि हासिल गर्न गाह्रो पर्न सक्छ । ईर्ष्यालु व्यक्तिहरूले अवरोध सिर्जना गर्न सक्छन् । आफ्ना योजना गोप्य राखेर अघि बढ्नु उचित हुनेछ । सिंह (मा, मि, मु, मे, मो, टा, टि, टु, टे) :- साहस र मेहनतले विभिन्न अवसर दिलाउनेछ । प्रतिस्पर्धीलाई परास्त गर्न सकिनेछ । रोकिएका काम सम्पन्न हुँदा आर्थिक अवस्था बलियो बन्नेछ । आकर्षक प्रस्तुति र प्रभावशाली बोलीले धेरैलाई प्रभावित पार्न सकिनेछ । पहिले रोकिएको प्रतिफल प्राप्त हुने सम्भावना छ । कन्या (टो, प, पि, पु, ष, ण, ठ, पे, पो) :- बोलीको प्रभावबाट लाभ लिन सकिनेछ । मेहनतले धेरै काम सफल हुनेछन् । प्रतिस्पर्धीलाई सहजै पछि पार्न सकिनेछ । समुदायको हितमा काम गर्ने अवसर मिल्नेछ । केही दौडधुप गर्नुपरेपनि रोकिएका काम क्रमशः अघि बढ्नेछन् । तुला (र, रि, रु, रे, रो, ता, ति, तु, ते) :- अध्ययनमा पछि पर्ने संकेत भएकाले सचेत रहनुहोस् । प्रभावशाली व्यक्तिहरूसँग प्रतिस्पर्धा हुन सक्छ, गोपनीयतामा ध्यान दिनुहोला । आफन्तसँग सामान्य विवाद हुन सक्छ र आर्थिक समस्या देखिन सक्छ । सवारी साधन चलाउँदा विशेष सावधानी अपनाउनुहोला । बृश्चिक (तो, ना, नि, नु, ने, नो, या, यि, यु) :- योजना गोप्य राख्दै प्रतिष्ठा जोगाउने प्रयास गर्नुहोस् । लगनशीलताले गुमेको सम्मान पुनः दिलाउन सक्छ । ईर्ष्यालु व्यक्तिबाट सावधान रहनुहोला । आफ्ना विचारले धेरैलाई प्रभावित पार्न सकिनेछ । प्रशंसक बढ्नेछन् र मान सम्मान प्राप्त हुनेछ, यद्यपि काममा सानातिना चुनौती आउन सक्छन् । धनु (ये, यो, भ, भि, भु, ध, फा, ढ, भे) :- विभिन्न अवसर प्राप्त हुँदा मन उत्साहित रहनेछ । तर आफन्तको अन्धविश्वास गर्दा समस्या आउन सक्छ । पारिवारिक भेटघाट र स्वादिष्ट भोजनको अवसर मिल्नेछ । प्रेम र मित्रताको सम्बन्ध अझ मजबुत बन्ने समय छ । मकर (भो, ज, जि, खि, खु, खे, खो, गा, गि) :- काममा प्रेरित गर्ने व्यक्तिहरू भेटिनेछन् । रमाइलो जमघट र विशेष उपहारको अवसर मिल्न सक्छ । नयाँ काम सुरु हुनेछ र विभिन्न अवसरले साथ दिनेछन् । नाम, दाम र इनाम प्राप्त हुने संकेत देखिन्छ । कुम्भ (गु, गे, गो, सा, सि, सु, से, सो, द) :- स्वास्थ्य प्रति सजग रहनु आवश्यक छ । विशिष्ट व्यक्तित्वहरूसँग मित्रता गाँसिनेछ । अप्रत्याशित स्रोतबाट धन आर्जन हुन सक्छ । पुराना साथीभाइसँग भेटघाटको अवसर मिल्नेछ । सानो नोक्सानी भएपनि दीर्घकालीन फाइदा हुने क्षेत्रमा लगानी गर्ने मौका प्राप्त हुनेछ । व्यापारमा राम्रो लाभ देखिन्छ । मीन (दि, दु, थ, झ, ञ, दे, दो, च, चि) :- मेहनतले जीवनशैलीमा सकारात्मक परिवर्तन ल्याउन सक्छ । आलोचकहरू बढ्न सक्छन् र शक्तिशाली व्यक्तिसँग प्रतिस्पर्धा हुन सक्छ । प्रशंसनीय काम सम्पन्न हुँदा नयाँ अवसर प्राप्त हुनेछन् । अवसर आएपनि निर्णय लिनुअघि राम्रोसँग विचार गर्नुहोला ।

राशिफल जे जस्तो भएपनि तपाईंको दिन मंगलमय रहोस्