सोमवार , बैशाख १०, २०८१
सिन्धुलीका केहि स्थानीय तहले आन्तरिक आम्दानीका श्रोतलाई कौडीको भाउमा ठेकेदार कम्पनिलाई सुम्पेका छन् । सार्वजनिक खरिद ऐनमै टेकेर विधिवत रुपमा ठेक्का खुलाएपनि ठेक्का सम्झौताका मूल्य कम गर्ने, मापदण्ड घटाउने लगायत स्थानीय सरकारलाई घाटा पुग्ने गरि ठेक्का सम्झौता भएका छन् । स्थानीय तह मातहत निर्माण भएका पार्क, पोखरी लगायत विविध संरचनालाई कौडीको भाउमा निश्चित व्यक्ति र समूहलाई सुम्पिदा स्थानीय सरकारको आन्तरिक आम्दानी घट्दै गएको छ । यतिसम्म कि फुटपाथमा व्यापार गर्नेहरुसँग भोटको लोभमा राजश्वनै नउठाउनेसम्मको कार्य भइरहेको छ ।
जिल्लाका स्थानीय तहको आन्तरिक श्रोत निकै कम छ । तर, ‘आम्दानि अठानि खर्च रुपैँया’ भनेझैँ महंगो लागतमा संरचना निर्माण गर्ने र सस्तोमा ठेक्का सुम्पिने प्रबृद्धिले स्थानीय तह संघ र प्रदेशकै बजेटमा परनिर्भर हुनुपरेको अवस्था छ । तसर्थ, जिल्लाका स्थानीय तहले आन्तरिक आम्दानी संकलनमा विशेष चासो देखाउन जरुरी छ । त्यस्तै, सरोकारवाला निकायले पनि स्थानीय सरकारको क्रियाकलापलाई निगरानि गरि खबरदारी गर्नतर्फ कञ्जुस्याईँ गर्नुहुदैँन ।
जिल्लामा संघ र प्रदेश सरकारबाट करोडौँ लागतमा निर्माण भएका संरचनालाई स्थानीय तहले सस्तो भाडा दर कायम गरेर ठेक्का सम्झौता गरेको छ । चुनावको समयमा नोट र भोट बैंकको भुमिका खेल्ने व्यापारी तथा व्यवसायीलाई राज्यको सम्पत्ति कौडीको भाउमा सुम्पिनु आर्थिक अनियमितताको पराकाष्ठ हो । तसर्थ, आन्तरिक आम्दानीलाई बलियो बनाउनतर्फ थप योजना निर्माणसँगै भएका श्रोतको उचित व्यवस्थापन गर्नतर्फ स्थानीय सरकर गम्भिर हुन आवश्यक छ ।
आम्दानी बढाउन गम्भिर बन
© 2026 All right reserved to sindhulisaugat.com
Design & Developed By
