सिन्धुली,२३ कार्तिक – सिन्धुली जिल्लाको हरिहरपुरगढी गाँउपालिकामा नेकपाका एक सयभन्दा बढी कार्यकर्ता शनिबार नेपाली काँग्रेसमा प्रवेश गरेका छन् ।

नेपाली काँग्रेस हरिहरपुरगढी गाँउपालिका कार्य समितिले हाक्पारामा आयोजना गरेको चियापान तथा पार्टी प्रबेश कार्यक्रममा नेकपाका गाँउपालिकास्तरिय नेता तथा कार्यकर्ता बिनाशर्त नेपाली काँग्रेसमा प्रवेश गरेका हुन् । नेकपाका गाँउपालिकास्तरिय नेता तथा कार्यकर्ताहरु मानकुमार माझी, बसन्त माझी, झलक माझी, सुन्दरी राई र मंगले राई लगायत एक सयभन्दा बढी नेपाली काँग्रेसमा प्रवेश गरेका हुन् ।

पार्टी सभापति उज्जवल बराल, पूर्वमन्त्री विपिन कोईराला, नेताहरु नरेन्द्रजंग थापा र छेत्रबहादुर बम्जनले नेकपाका कार्यकर्तालाई अविर र खादा लगाई प्रवेश गराउनु भएको थियो ।

सो अबसरमा काँग्रेसमा प्रवेश गर्ने नेकपाका कार्यकर्ताले नेकपा पार्टीको सरकारले जनभावना अनुसार काम नगरेको, सुशासन दिन नसकेको, भ्रष्टचारमा डुबेको, नादाबादालाई प्रामिकता दिएका र चुनाबमा जनता सामु गरेको प्रतिबद्धता पुरा गर्न नसकेको बताएका छन् ।

सो अबसरमा काँग्रेस जिल्ला सभापति उज्जल बरालले नेकपाको सरकारले जनबिरोधी काम गरेकाले जनताको बितृष्णा बढ्दै गएको बताउनुभयो । उहाँले नब प्रवेशीहरुलाई पार्टीले नयाँ र पुरानो कार्यकर्ता भनी कुनै भदभाव नगर्ने चर्चा गर्दै काँग्रेसको संगठन निर्माणमा जुट्न आग्रह गर्नुभयो ।

नेपाली काँग्रेस हरिहरपुरगढी गाँउपालिकाको सभापति हर्षबहादुर श्रेष्ठको सभापतित्वमा सम्पन्न उक्त कार्यक्रममा पूर्वमन्त्री बिपिन कोईराला, नेताहरु नरेन्द्रजंग थापा, छेत्रबहादुर बम्जन र दिपक घिमिरे लगायतले शुभकामना मन्तव्य दिनु भएको थियो ।

गुणस्तर हिन राहत वितरण

सिन्धुली,– सिन्धुलीका विपक्षी ६ राजनितिक दलहरुले सिन्धुलीका स्थानिय तहहरुले गु णस्तर हिन रा हत वितरण गरेको, अ नियमितता गरेको, कालोबजारी, मूल्यबृद्धि बढेको भन्दै प्रशासनको ध्यानाकर्षण गराएका छन् ।

नेपाली काँग्रेस सिन्धुलीको नेतृत्वमा जनता समाजवादी पार्टी,राष्ट्रिय प्रजातन्त्र पार्टी,देशभक्त जनगणतान्त्रिक मोर्चा, नेकपा क्रान्तिकारी माओवादी र राष्ट्रिय जनमोर्चा, सिन्धुलीले आज १८ बुदें ध्यानाकर्षण पत्र बुझाउदै जिल्ला प्रशासन कार्यालय सिन्धुलीको ध्यानाकर्षण गराएका हुन् । ६ राजनितिक दलहरुले हस्ताक्षर गरेको ध्यानाकर्षण पत्र नेपाली काग्रेस सिन्धुलीका सभापति उज्ज्वल प्रसाद बरालले सिन्धुलीका प्रमुख जिल्ला अधिकारी योगेन्द्र प्रसाद पाण्डेलाई बुझाउनुभएको हो ।

ल कडाउनका कारण प्रभावित भएकाहरुलाई स्थानिय तहहरुले राहत वितरण गर्दा अनियमितता गरेको, गुणस्तर हिन राहत वितरण गरेको, लकडाउनको मौका छोपि व्यापारीहरुले कालोबजारी, आफुखुसी मूल्य बृद्धि गरेको, अहिलेको बिषम परिस्थितीको फाईदा उठाई भ्रष्टाचार गर्नेक्रम व्यापक रुपमा देखिएकाले यस्ता गर्ने व्यक्ति संघसंस्थाहरुलाई तत्काल कार्वाही गर्नुपर्ने राजनितिक दलहरुले माग राखेछन् ।

प्लान ईन्टरनेशनल नेपाल लगाएत सिन्धुलीमा कार्यरत अन्तराष्ट्रिय गैरसरकारी संस्थाहरुले नेपाल रेडक्रस सोसाईटी तथा स्थानिय गैरसरकारी संस्था मार्फत वितरण गरेको राहतमा व्यापक अनियमितता गरी राहत वितरण गरेको, राहत वितरण गर्दा सामाजिक विभेद गरेरकाले छानविन गरी कार्वाही गर्न दलहरुले माग गरेका छन् । लकडाउनको समयमा दैनिक उपभोग्य बस्तुहरु, निर्माण सामाग्रीको मूल्यबृद्धि हुदाँ पनि प्रशासन मुकदर्शक भई बसेको भन्दै प्रशासन लगाएत जिम्मेवार निकायहरु जागरुक हुन सचेत गराएका छन् ।

कमलामाई नगरपालिका सहित जिल्लाका नौ वटै स्थानिय तहमा राहत वितरण गर्दा अनियमितता भएकाले छानविन गर्न पनि माग गरेका छन् । ध्यानाकर्षण पत्र बुझाउदै नेपाली काग्रेस सिन्धुलीका सभापति बरालले लकडाउनको समयमा पनि सरकारी गाडीको दुरुपयोग भएकाले छानविन गर्न, सिन्धुलीका एक घर एक जनाको पिसिआर विधिबाट कोरोना भाईरस चेकजाँच गर्न माग गर्नुभयो ।

पर्याप्त आ ईसोलन वार्डको व्यवस्थापन गर्नुपर्ने, क्वा रेन्टाईनलाई व्यवस्थित गर्नुपर्ने, क्वारेन्टाईनमा रहेका व्यक्तिहरुको नियमित स्वास्थ्य परिक्षण गर्नुपर्ने, अग्रपंतीमा काम गर्ने स्वास्थ्यकर्मीहरुलाई व्यक्तिगत सुरक्षा सामाग्री पिपिई उपलब्ध गराउनुपर्ने राजनितक दलहरुले माग गरेका छन् ।

किसानलाई मल, बीउ उपलब्ध गराउनुपर्ने, स्थानिय बजारहरु दिनको २ घण्टाका लागि तुरुन्त खोल्नुपर्ने, भुकम्प पिडितले पाउने नियमित किस्ता उपलब्ध गराउनुपर्ने, जिल्ला दररेट नियमन गर्नुपर्ने उनीहरुले माग राखेका छन् । बैक तथा वित्तिय संस्थाहरुबाट जनताले लिएको ऋणको ब्याज मिनाहा हुनुपर्ने, लकडाउनले आयआर्यजन नभएकाले जनताबाट उठाउने कर मिनाहा गर्नुपर्ने, संघिय सरकारले उपलब्ध गराउने सबै औषधी निःशुल्क दिनुपर्ने, जिल्ला अस्पताल, स्वास्थ्य कार्यालयबाट खरिद गरिएको स्वास्थ्य सामाग्री लगाएत विभिन्न खर्चहरु सार्वजनिक गर्नुपर्ने, भारतसँगको सिमा कुटनितिक पहलबाट समाधान गनुपर्ने र सबै खाले भ्रष्टाचारको अन्त्य गर्नुपर्ने माग गरेका छन् ।

मागहरु पुरा नभएमा, भ्रष्टाचार, अनियमितता गर्ने व्यक्ति, संघसंस्था लगाएतलाई कानुन बमोजिम कार्वाही नगरे चरणबद्ध आन्दोलनमा जाने समेत दलहरुले चेतावनी दिएका छन् । ध्यानाकर्षण पत्र बुझ्दै सिन्धुलीका प्रमुख जिल्ला अधिकारी योगेन्द्र प्रसाद पाण्डेलले दलहरुले रोखको मागहरु पुरा गर्ने प्रतिबद्धता जनाउनुभयो । प्रशासनले गर्न सक्ने र मिल्ने सम्मको मागहरु पुरा गराउने भन्दै कतै अनियमितता भए, मुल्यबृद्धि भए, कालोबजारी भएको प्रमाण सहित आएमा तत्काल कार्वाहीको पक्रिया अघि बढाउने बताउनुभयो ।