बुधवार , कार्तिक ५, २०७७
काठमाडौँ, ५ कार्तिक - गिरिजाप्रसाद कोइरालाकी छोरी सुजाता कोइरालाले नेपालमा भएको आफ्नो ‘अन्तिम’ सम्पत्ति पनि बिक्री गर्न लाग्नुभएको छ । विराटनगरमा आफ्नो पिता गिरिजासँग प्राप्त पैतृक सम्पत्ति उहाँले पहिले नै बिक्री गरिसक्नुभएको थियो । सुजाताले ‘आफ्नो मेहनतबाट आर्जन गरेको’ साठी आना जग्गासहितको आफू बस्दै आएको मण्डिखाटारस्थित घर बिक्रीका निम्ति हालै बैना लिनुभएको छ ।
प्राप्त जानकारीअनुसार उहाँले उक्त घर जग्गा करिब रु. बाइस करोडमा बिक्री गर्न लाग्नु भएको र बैनावापत तीन करोड रूपैयाँ बुझिलिनुभएको छ । यसअघि उक्त घरजग्गा बिक्री गर्न विराटनगरस्थित नोवल मेडिकल कलेजका सुनिल शर्मासँग सुजाताले दुई करोड बैनावापत बुझ्नुभएको थियो । विराटनगरकै एक बिस्कुट उद्योगको समेत मालिक रहेका मारवाडी ब्यापारीसँग तीन करोड रूपैयाँ बैनावापत बुझेर सुनिलसँग बुझेको रकम फिर्ता गरिदिएको समाचारसुत्रहरूले जनाएका छन् ।
गत वर्ष सुनिल शर्माले एक्काइस करोडमा उक्त जमिन खरिद गर्न बैना दिएका थिए । सो सम्पत्तिमा कुनै पनि किसिमले दाबी गर्ने छैन भनी छोराले समेत कागज गरिदिनुपर्ने शर्त सुनिलले सुजातासमक्ष राखेका, तर सुजाताले छोराको दस्तखत गराउन नसकेपछि सुनिल बैना फिर्ता लिन बाध्य भएका थिए ।
विदेशी नागरिक आफ्ना एक छोरा र छोरीलाई सुजाताले आफू परराष्ट्रमन्त्री हुँदा ‘एनआरएन’को विशेष परिचयपत्र बनाइदिनुभएको थियो । आमा सुजातासँग मनमुटाव भएपछि छोरा आफ्नो परिवारसहित बुढानिलकण्ठमा बस्दै आएका छन् । छोराको दस्तखतबिना जग्गा खरिद गर्न सुनिल राजि नभएपछि सुजाताले सहयोगीहरू केशव दुलाल र अनिल आचार्यमार्फत नयाँ ग्राहक फेला पार्नुभएको थियो । अब तीन महिनाभित्र सुजाताले उक्त घर खालि गराइ रजिष्टे«सन पास गरिदिनुपर्ने छ ।
गिरिजाप्रसाद कोइराला सत्ता र शक्तिमा रहँदै ‘निकै दुःख गरेर’ सुजाताले आर्जन गर्नुभएको सो घरजग्गा विनोद अग्रवाल नामक एक मारवाडी व्यापारीकी पत्नीको नाममा राखिएको थियो । करिव चार वर्षअघि मात्र उहाँले आफ्नो सम्पत्ति आफ्नै नाममा ल्याउनुभएको थियो । त्यसअघि सुजाता (अहिले प्रचण्डले झैँँ) विनोदको घर भाडामा लिएर बसेको बताउने गर्नुहुन्थ्यो । आफ्नो नाममा जमिन ल्याउँदा ५७ आना मात्र रहेको र तीन आना जमिन अरु कसैको नाममा भएको फेला परेपछि नापी विभागका तत्कालिक कर्मचारी नारायणप्रसाद चौधरीको विशेष सहयोगमा ‘मिलाएर’ तीन आना थपिएको थियो ।
सुजाता कोइराला नेपालमा रहेको आफ्नो सम्पूर्ण सम्पत्ति बिक्री गरेर बेलायत बसाई सर्ने योजनामा रहनुभएको छ । सबै सम्पत्ति बिक्री भए पनि उहाँ काङ्ग्रेसको आगामी महाधिवेशनमा उच्च पदीय जिम्मेवारी पाए नेपालमै अरु केही समय बस्नुहुने र भनेजस्तो पद नमिले महाधिवेशनलगत्तै देश छोड्ने तयारीमा रहनुभएको बुझिएको छ ।
ज्ञातव्य छ, सुजाताको विवादास्पद बङ्लादेशी ज्वाइँ रुवेल चौधरी आफ्नी पत्नी मेलानीसहित बेलायतमा बस्दै आएका छन् । नेपालमा सम्पत्ति बेचेको नगद लिएर सुजाता आफ्नी छोरी-ज्वाइँसँगै बेलायत बस्न जान लाग्नुभएको हो । छोरासँग कुरा नमिले पनि सुजाताको छोरी र ज्वाइँसँग निकै राम्रो सम्बन्ध रहिआएको छ ।
स्मरण रहोस्, सुजाता पहिले पनि विवाह गरेर विदेशिनुभएको र २०४८ सालमा आफ्ना पिता प्रधानमन्त्री बनेपछि मात्र नेपाल फर्कनुभएको थियो । जीवनको अन्तिम क्षणमा गिरिजाले सुजातालाई उपप्रधानमन्त्रीको दर्जासहित परराष्ट्रमन्त्री बनाइदिनुभएको थियो । यतिबेला सुजाता शेरबहादुर देउवासँग बार्गेनिङ गर्दै हुनुहुन्छ । उहाँले अन्तर्राष्ट्रिय सम्बन्ध विभागको संयोजक र काङ्ग्रेसको आगामी महाधिवेशनमा उपसभापति बनाइनुपर्ने शर्त देउवासमक्ष राख्नुभएको बुझिएको छ । देउवासँग कुरा मिलाएर अघि बढ्नकै निम्ति सुजाताले केही साताअघि रामचन्द्र पौडेलहरूले पार्टीमा देउवाविरुद्ध दिएको सामूहिक उजुरीमा पहिले दस्तखत गरेर पनि पछि फिर्ता लिनुभएको थियो । सुजाता यतिबेला रामचन्द्र पौडेलविरुद्ध वातावरण बनाउन सक्रिय रहनुभएको छ । यसो गर्दा देउवा र आफ्ना दाजुभाइ कोइरालाहरू खुशी हुने भएकोले पनि सुजाताले पौडेलविरुद्ध अभिव्यक्ति दिनुभएको बताइन्छ ।
जे होस्, सुजाता कोइराला काङ्ग्रेसको आगामी महाधिवेशनसम्म नेपाल बस्नुभए पनि कुनै पद हात नलागे सधैंका निम्ति देश छोड्ने अब निश्चित भएको छ ।
घटना र विचार बाट साभार
काठमाडौँ,५ कार्तिक– नेत्रविक्रम चन्द (वि प्लव) नेतृत्वको नेपाल कम्युनिस्ट पार्टीले सरकारविरुद्ध सं घर्षका कार्यक्रम सार्वजनिक गरेको छ । नेकपाका महासचिव नेत्रबिक्रम चन्द वि प्लव द्धारा एक बिज्ञप्ती जारी गरी सरकारले कोरोनाको परीक्षणमा पनि शुल्क लिने निर्णय गरेको, जनताको स्वास्थ्यमा खे लवाड गरेको र सत्ताको आडमा भ्र ष्टाचार गरेको भन्दै यही कात्तिक १५ गतेदेखि २० गतेसम्म सं घर्षका कार्यक्रम सार्वजनिक गरेको हो ।
विप्लव द्धारा बुधबार विज्ञप्ति जारी गरी कोरोनाको प्रभावले आ क्रान्त जनतालाई राहत पुर्याउन लाग्नुको सट्टा स्वास्थ्य परीक्षणजस्तो संवेदनशील र राज्यको न्यूनतम् दायित्वबाट समेत पन्छिएकाले सं घर्ष गर्नुपरेको प्रस्ट पार्दै त्यसमा साथ दिन सम्बन्धित सम्पूर्ण पक्षलाई आह्वान पनि गरेका छन् ।
विप्लवले तीनदिने सं घर्षका कार्यक्रम घोषणा गर्दै भनेका छन्, ‘राज्य सरकार र सम्बन्धित निकायको संरक्षणमा स्वास्थ्य स ङ्कटलाई समेत पैसा कमाउने, भ्र ष्टाचार गर्ने र धन कुम्ल्याउने माध्यमका रूपमा दु रुपयोग भइरहेको छ । हाम्रो पार्टी राष्ट्र र जनताको यस स ङ्कटको बेला जनताको स्वास्थ्यमा खे लबाड गर्ने तथा सत्ता र शक्तिको आडमा सम्पत्ति कु म्ल्याउने माध्यम नबनाउनसमेत सम्बन्धित पक्षलाई चे तावनी दिन चाहन्छ ।’
विज्ञप्तिमा ‘वर्तमान राज्यव्यवस्था र सरकार राष्ट्र र जनताप्रति झन्पछि झन् उत्तरदायित्वविहीन र हदैसम्म गैरजिम्मेवार बनिरहेको छ । सरकारको यस किसिमको क्रियाकलापले नेपालका राष्ट्रियता, जनतन्त्र र जनजीविकाका विषयहरू दिन–प्रतिदिन अझ जटिल र सङ्कटपूर्ण बन्दै गइरहेका छन् .’भनेका छन् ।
विज्ञप्तिमा अगाडि भनिएको छ, ‘कोरोना म हा मा रीको विश्वव्यापी प्रकोपले विश्व र नेपाली जनतामा पारेको भ यावह अवस्थामा सरकारले राज्यको सम्पूर्ण श क्ति कोरोनाको नि यन्त्रण र कोरोनाको प्रभावले आ क्रान्त जनतालाई राहत पुर्याउन लाग्नुको सट्टा स्वास्थ्य परीक्षणजस्तो सं वेदनशील र राज्यको न्यूनतम् दायित्वबाट समेत पन्छिने कार्य अत्यन्तै नि कृष्ट र अ मानवीय विषय हो । यसले सरकारको जनताप्रतिको चरम ला परबाही र अ संवेदनशीलतालाई नै पुष्टि गरेको छ । हाम्रो पार्टी यतिबेला सरकारले सम्पूर्ण जनसमुदायलाई कोरोनाको निःशुल्क परीक्षण र उपचारको व्यवस्था गर्न विशेष माग गर्दछ ।’
विप्लवको विज्ञप्तिमा भनिएको छ, ‘विभिन्न कठिनाइ झेल्दै कोरोना म हा मा री वि रुद्ध निरन्तर खटिरहेका सु रक्षाकर्मी तथा स्वास्थ्यकर्मीलाई राज्यबाट प्रो त्साहन र सहयोग गर्नुपर्नेमा कतिपय अवस्थामा उल्टै प्र ताडित हुनुपरेका घ टनाहरूप्रति हाम्रो पार्टीको गम्भीर ध्यानाकर्षण भएको छ । हाम्रो पार्टी कोरोना म हा मा री का क्रममा ज्यान जोखिममा राखी अग्रमोर्चामा खटिरहेका सम्पूर्ण सुरक्षाकर्मी, प्रहरी, स्वास्थ्यकर्मी, डाक्टर, नर्स, सफाइकर्मीलगायतलाई विशेष आर्थिक सुविधा, स्वास्थ्य र सामाजिक सु रक्षाको उचित व्यवस्था गर्न माग गर्दछ ।’
विज्ञप्तिको अन्त्यमा भनिएको छ, ‘राज्य सरकार र सम्बन्धित निकायको संरक्षणमा स्वास्थ्य स ङ्कटलाई समेत पैसा कमाउने, भ्र ष्टाचार गर्ने र धन कुम्ल्याउने माध्यमका रूपमा दु रुपयोग भइरहेको छ । हाम्रो पार्टी राष्ट्र र जनताको यस स ङ्कटको बेला जनताको स्वास्थ्यमा खेलबाड गर्ने तथा सत्ता र शक्तिको आडमा सम्पत्ति कु म्ल्याउने माध्यम नबनाउनसमेत सम्बन्धित पक्षलाई चेतावनी दिन चाहन्छ । उपरोक्त विषयहरूमा सबै पक्ष र जनसमुदायहरूले आआफ्नो स्थानबाट पहल गर्न र स ङ्घर्षमा सहभागिता र सहयोगका लागि हार्दिक अनुरोध गर्दछौँ ।’
नेकपाले घोषणा गरेको स ङ्घर्षको कार्यक्रम यसप्रकार रहेको छ :
२०७७ कात्तिक १५ गते कोणसभा
२०७७ कात्तिक १७ गते पर्चा वितरण
२०७७ कात्तिक २० गते विरोधजुलुस
नेकपाले सङ्घर्षका लागि यसप्रकार नारा तय गरेको छ :
आमनागरिकहरूलाई निःशुल्क स्वास्थ्य जाँच र उपचारको व्यवस्था गर ।
कोरोना महामारीका नाममा भ्रष्टाचार र व्यापारीकरण बन्द गर ।
भ्रष्टाचारीलाई कारबाही गर ।
विज्ञप्तिको पूर्णपाठ….
© 2026 All right reserved to sindhulisaugat.com
Design & Developed By
