शुक्रवार , चैत्र १४, २०७६
सिन्धुली, १४ चैत– बजारमा माक्सको अभाव भईरहेका बेला सिन्धुलीको तिनपाटन गाउँपालिका वडा नं. १ वेलघारीले वडाबासीहरुलाई निःशुल्क माक्स वितरण गर्ने भएको छ । वडा आफैले माक्स उत्पादन गरि सवै वडाबासिलाई निःशुल्क माक्स वितरण गर्न थालेको हो ।
विश्वभर फैलिरहेको कोरोना भाईरस् (कोभिड–१९) को संक्रमणबाट बच्न उपयोगी हुनेभएकाले संक्रमण नहोस भन्ने उद्धेश्यले माक्स वितरण गर्न थालिएको तिनपाटन गाउँपालिका –१ का वडा अध्यक्ष गोविन्द राउतले जानकारी दिनुभयो ।
माक्स उत्पादन गर्न चाहिने आवश्यक सामाग्री सिन्धुलीमाढीबाट खरिद गरि ल्याइएको र हाल ६ जनाले दैनिक माक्स उत्पादन गरि रहेको उहाँले जानकारी दिनुभयो । हाल सम्म १३ सय माक्स उत्पादन भै सकेको छ ।
अवको केही दिन भित्रमा सवैको घर घरमा पुगेर माक्स वितरण गर्ने उहाँले बताउनुभयो । लकडाउनले गर्दा बजारमा गएर माक्स किन्न सक्ने अवस्था नभएपछि वडाबासीहरुले माक्स लगाउन नपाएको गुनासो बढ्न थालेपछि सवैलाई निःशुल्क माक्स वितरण योजना बनाएको उहाँले बताउनुभयो ।
यस्तै वडाले सरकारले गरेको लकडाउनको पुर्ण पालना गर्न सवै नागरिकलाई सचेत गराउदै कोरोना भाईरसबाट बच्ने उपायका बारेमा जानकारी दिदै तीन स्थानमा सावुन पानि सहितको धारा निर्माण गरिएको उहाँले जानकारी दिनुभयो ।
वडाले ३ वेडको क्वारेन्टाईन बनाएको र आवश्कयता अनुसार क्वारेन्टाइनमा वेड थप्ने उहाँको भनाई रहेको छ । साथै वडाले विदेशबाट आएका ६ जनालाई होम क्वारेन्टाइनमा राखेको र स्वास्थ्यकर्मीको टोलिले नियमित चेकजाँच गरि रहेको उहाँले बताउनुभयो ।
© 2026 All right reserved to sindhulisaugat.com
Design & Developed By
