शनिवार , श्रावण २७, २०८०
सिन्धुली,२७ साउन – सिन्धुलीमा आज (शनिवार) दिउँसो भारी वर्षा भएको छ । पछिल्लो तीन घण्टामा जिल्लाको सिन्धुलीमाडी, मरिन, कुसुन्टार र आसपासको क्षेत्रमा भारी वर्षा भएको बाढी पूर्वानुमान महाशाखाले जनाएको छ ।
महाशाखाका अनुसार भारी वर्षासँगै मरिनलगायत स–साना खोलाहरूमा आकस्मिक बाढी आउन सक्ने सम्भावना छ । यी क्षेत्र आसपासमा उच्च सतर्कता अपनाउन महाशाखाले आग्रह गरेको छ ।
'पछिल्लो तीन घण्टामा सिन्धुलीमाडी, मरिन, कुसुन्टार र आसपासको क्षेत्रमा भारी वर्षा भएको हुँदा मरिन खोलालगायतका स–साना खोलाहरूमा आकस्मिक बाढी आउन सक्ने भएकोले उच्च सतर्कता अपनाऔँ,' महाशाखाले जारी गरेको विशेष सूचनामा भनिएको छ ।
© 2026 All right reserved to sindhulisaugat.com
Design & Developed By
