बुधवार , श्रावण ३, २०८०
सिन्धुली– भक्तपुरको सूर्यविनायक नगरपालिका–१० साँगामा आज (बुधबार) भएको बस दुर्घटनामा सिन्धुलीका दुईजना घाईते भएका छन् । काठमाडौँबाट धुलिखेलतर्फ आउँदै गरेको बा ४ ख ९३९६ को काभ्रे–काठमाडौं नगर बस दिउँसो सवा ३ बजेतिर साँगाको पुलमुनि भिरबाट करिब ३० मिटर तल खसेर दुर्घटना भएको हो । दुर्घटनामा सिन्धुलीको घ्याङलेख गाउँपालिका घर भइ भक्तपुर पाण्डुबजार बस्ने सवारी चालक ३० वर्षीय सूर्यबहादुर पाख्रिन र घ्याङलेख गाउँपालिका–१ घर भइ काठमाडौं नयाँ बसपार्क बस्ने ३१ वर्षीय पूर्णबहादुर पार्खिन घाइते भएका छन् । उनीहरुको मध्यपुर अस्पतालमा उपचार भइरहेको छ ।
त्यस्तै, उक्त दुर्घटनामा घाइते हुनेको संख्या १० पुगेको छ । इलाका प्रहरी कार्यालय बनेपाका अनुसार घाइतेहरु सबैको अवस्था सामान्य रहेको र सबैको पहिचान खुलेको छ । इलाका प्रहरी कार्यालय बनेपाका प्रमुख प्रहरी नायब उपरीक्षक रेशम बोहोराका अनुसार घाइतेहरु १० जनामध्ये भक्तपुरस्थित इवामुरा अस्पतालमा ३ जना, मध्यपुर अस्पतालमा ६ जना र बनेपास्थित शिर मेमोरियल अस्पतालमा १ जनाको उपचार भइरहेको छ ।
दुर्घटनामा घाइते भएकाहरुमध्ये बनेपा नगरपालिका–३ की २२ वर्षीया सुस्मिता श्रेष्ठ, बनेपा नगरपालिका–१३ का २० वर्षीय विनय जोशी, बनेपा नगरपालिका–१३ स्थित भैंसेपाटीकी २० वर्षीया दीक्षा तिमिल्सनाको इवामुरा अस्पतालमा उपचार भइरहेको इलका प्रहरी कार्यालय बनेपाले जनाएको छ । कार्यालयका अनुसार, सुनसरी जिल्लाको बराह क्षेत्र नगरपालिका–१ घर भइ काठमाडौंको बसुन्धरा बस्दै आएकी ४४ वर्षीया रीता खत्री, बनेपा नगरपालिकाकी २० वर्षीया रीतिका श्रेष्ठ, बनेपा नगरपालिका–१३ का ५९ वर्षीय अर्जुन खड्का, काभ्रेको खानीखोला गाउँपालिका–१ घर भई बनेपा बस्ने १८ वर्षीय दिपक बिकको शिर मेमोसरयल अस्पतालमा उपचार भइरहेको छ ।
© 2026 All right reserved to sindhulisaugat.com
Design & Developed By
