बुधवार , बैशाख १२, २०८१
सिन्धुली – सिन्धुलीको सुनकोशी गाउँपालिका — ४ ताम्लीङ र कोटगाउँका ६ घर परिवार अग्नी पिडितलाई खाद्यान्न लगायतका सामाग्री वितरण गरिएको छ । सुनकोशी गाउँपालिकालेै अग्नी पिडितलाई खाद्यान्न सामाग्री बितरण गरेको हो ।
अग्नी पिडितहरुलाई दाल,चामल, नुन, तेल लगायतका दैनिक उपयोग हुने सामाग्री वितरण गरिएको गाउँपालिकाले जनाएको छ । डढेलोले घरमा रहेका अन्न, कपडा, लालपुर्जा, नागरिकता, गरगहना सबै खरानी भए अहिले खाने सामल नभएकोले गाउँपालिबाट राहात सहयोग गरिएको गाउँपालिकाका उपाध्यक्ष कपिल कुमार कोइरालाले बताइनु भयो ।
सामुदायिक वनमा आइतबारबाट सल्किएको डढेलो बस्तिमा पसेको थियो । डढेलोले ताम्लीङ र कोटगाउँको खानेपानीको पाइप जलेकोले पानी नै खान नपाउने स्थानीयले गुनासो गरेका छन् ।
गाउँपालिकाबाट पहिलो चरणको राहात सामाग्री सहयोग गरिएको बताउनुहुँदै उपाध्यक्ष कोइरालाले खानेपानीको पाइप तत्काल उपलब्ध गरी खानेपानीको व्यवस्था गरिने बताउनु भयो ।
सुनकोशी गाउँपालिका –४ स्थित सामुदायिक वनमा लागेको डढेलो गाउँमा फैलिएको थियो । बस्तिमा फैलिएको डढेलोले स्थानीयको ६ घर २ गोठ जलेर नष्ट भएको छ । घरमा रहेको धनमाल ,लक्ताकपडा, लालपुर्जा, नागरिकता, गरगहना तथा गोठमा बाधिएका पशुचौपाय जलेर नष्ट हुँदा ५० लाख बराबरको क्षति भएको गाउँपालिकाले आँकलन गरेको छ ।
© 2026 All right reserved to sindhulisaugat.com
Design & Developed By
