बुधवार , माघ १०, २०८०
सिन्धुली– सिन्धुलीको दुधौली नगरपालिका २ मा रातीको समयमा सार्वजनिक स्थलहरुमा जथाभावी हिँडडुल तथा जमघट नगर्न आग्रह गरिएको छ । नागरिकको शान्ति सुरक्षालाई ध्यानमा राख्दै राती ९ बजे पछि सार्बजनिक स्थलहरुमा एक्लै वा सामूहिक रुपमा बिना काम हिँडडुल गर्न रोक लगाइएको वडा नम्बर २ का अध्यक्ष रितेश राउतले जानकारी दिनुभयो ।
रातको समयमा वडाको चोक, चौतारा, सडक, बस्ती, नदि किनारामा होहल्ला गरि अनावश्यक रुपमा मानिसहरु हिँडडुल गर्ने, होहल्ला गर्नुका साथै वडामा चोरी, डकैती, लागुपदार्थ दुब्र्यसनी लगायत अपराधीक क्रियाकलाप बढेपछि रातको समयमा हिडडुल गर्न रोक लगाइएको राउतले बताउनुभयो । अपराधिक क्रियाकलापलाई न्युनिकरण गर्न सुरक्षा निकाय लगायत सरोकारवालाहरुको सर्वदलिय बैठकले उक्त निर्णय गरेको राउतले बताउनुभयो । साथै, सार्वजनिक स्थानमा रातको समयमा होहल्ला वा बिना कुनै कामले हिँडेको देखेमा प्रहरीलाई खबर गर्न राउतले स्थानियसँग आग्रह गर्नुभयो ।
२ नम्बर वडा कार्यालयले वडामा रहेका सम्पूर्ण टोल सुधार संस्थालाई चिठि लेख्दै वडा कार्यालयको निर्णय कार्यन्वयनमा सघाउन अनुरोध गरेको छ ।
© 2026 All right reserved to sindhulisaugat.com
Design & Developed By
