बुधवार , माघ १०, २०८०
सिन्धुली– सोमबार मरिण गाउँपालिका ६ तेल्निका ४५ वर्षीय डिल बहादुर मोक्तानलाई भरुवा गोली लाग्दा घाईते हुनुभएको छ । केहि दिन अघि ससुराली जिल्ला काभ्रेपलान्चोकको तिमालमा पुग्नुभएका मोक्तानलाई सिन्धुली फर्कनेक्रममा गोली लागेको जिल्ला प्रहरी कार्यालय सिन्धुलीले जनाएको छ । ससुरालीबाट आफ्नो घर तर्फ आउदैँ गर्दा सालुभन्ज्याङमा भरुवा बन्दुक पड्किएको हो । भरुवा बन्दुकको प्रयोग गरी पासो थापेको ठाउँमा खुट्टा टेकेपछि बन्दुक पड्किएको मोक्तानले प्रहरीलाई बताउनुभएको छ । मोक्तानको दाहिने खुट्टाको गोल गाँठो नजिक चोट लागेको प्रहरीले बताएको छ । मोक्तानलाई प्राथमिक स्वास्थ्य केन्द्र कपिलाकोटमा ल्याई उपचार गरिरहदा प्रहरीले खबर पाएको थियो । जिल्ला प्रहरी कार्यालय सिन्धुलीका प्रवक्ता प्रहरी नायव उपरिक्षक चिरञ्जिवि दाहालका अनुसार घाइतेलाई अस्पताल ल्याएपछि मात्रै बन्दुक पड्किएको खबर प्रहरीकोमा आएको थियो । उहाँले भन्नुभयो, ‘ खबर प्राप्त हुनासाथ प्रहरी कार्यालय कपिलाकोटबाट प्रहरी टोली घट्नास्थलमा पुगेको थियो । घट्नामा संलग्न एकजना पक्राउ परेका छन् ।’
प्रहरीले भरुवा बन्दुक सहित घट्नामा संलग्न मरिण गाउँपालिका ६ का २७ वर्षीय सुमन लामालाई उनकै घरबाट पक्राउ गरेको डिएसपि दाहालले बताउनुभयो । आरोपितलाई लामालाई पक्राउ गरी सिन्धुली जिल्ला अदालतबाट ५ दिन म्याद थप गरि हातहतियार सम्बन्धी कसुर मुद्दामा आवश्यक अनुसन्धान गरिरहेको डिएसपि दाहालले बताउनुभयो । घाइतेको उपचार धुलिखेलमा भइरहेको समेत उहाँले जानकारी दिनुभयो ।
© 2026 All right reserved to sindhulisaugat.com
Design & Developed By
