आइतवार , पौष २२, २०८०
सिन्धुली – सिन्धुलीमा माटोको ढिस्कोले पुरिएर एक जनाको मृत्यु भएको छ । फिक्कल गाउँपालिका वडा नं. ५ रजे गाउँ बस्ने वर्ष–७४ को मन बहादुर बुढाथोकी को शनिबार मृत्यु भएको हो ।
बुढाथोकी घर नजिक आफ्नै बारीको काँल्ला खन्न गएकोमा अवेरसम्म घर नआए पछि आफन्त लगायत गाँउका मानिसहरु समेत मिली खोज्न जाँदा ढिस्कोले पुरिएर उनको मृत्यु भएको बागमती प्रदेश प्रहरी कार्यालयले जनाएको छ ।
शनिवार राती अन्दाजी ७ः३५ बजे घरबाट अन्दाजी १०० मिटर उत्तर आफ्नै बारीमा मृतकले लगाएको चप्पल फेला परेको र बारी माथिबाट ढिस्को समेत झरेको देखि माटो खोतली हेर्दा निजको लाश भेटिएको प्रहरीले जनाएको छ ।
“माटो खन्ने क्रममा ढिस्कोले पुरिएर ज्यान गएको देखिन्छ” प्रहरीले भन्यो , “उक्त घटना बारे थप अनुसन्धान भइरहेको छ ।”
© 2026 All right reserved to sindhulisaugat.com
Design & Developed By
