बिहिवार , आश्विन २७, २०७९
सिन्धुली– निर्वाचन सुरक्षार्थका लागि सिन्धुलीमा ९ सय १९.म्यादी प्रहरी छनोट भएका छन् ।४० दिनको कार्यावधि तोकेर प्रहरी प्रधान कार्यालयले गत भदौ ३० गतेदेखि असोज ६ सम्म आवेदन खोलेकोमा सिन्धुलीसहित ७७ वटै जिल्ला प्रहरी कार्यालयबाट अन्तिम नतिजा प्रकाशन गरिएको हो । सिन्धुलीमा भर्नाका लागि १८ सयले आवेदन दिएका थिए ।
माग भन्दा आवेदन दिनेको संख्या बढी भएकाले छनोटबाट ८ सय ८१ जना बाहिरिएका छन् ।देशभरमा सबै भन्दा बढी मधेश प्रदेश र सबै भन्दा कम कर्णाली प्रदेशमा म्यादी भर्ना भएका छन् । जिल्लागत रुपमा सबै भन्दा बढी मोरङमा ३ हजार ६ सय १६, झापामा ३ हजार ४ सय ९० र धनुषामा ३ हजार ४ सय ८६ जना छनोट भएका छन् । त्यस्तै, सबै भन्दा कम मनाङमा २ सय २८, मुस्ताङमा २ सय ८५ र रसुवामा ३ सय ३० छन् ।
उपत्यकामा ५ हजार ७ सय ७३ छनोट भएका छ्न् । पूर्वम्यादी, पूर्वसुरक्षाकर्मी, विदेशी सुरक्षा निकायमा खटिएकालाई छनोटका क्रममा प्राथमिकता दिइएको थियो । छनोट भएका म्यादीलाई असोज ३० गतेदेखि कात्तिक ८ सम्म प्रहरीबाट निर्वाचन सुरक्षा तालिम दिएर कात्तिक ९ गतेदेखि फिल्डमा खटाइने जिल्ला प्रहरी कार्यालय सिन्धुलीका प्रहरी प्रवक्ता प्रहरी नायव उपरिक्षक हरिकृष्ण केसिले मतदान स्थलमा प्रहरी र म्यादी तथा बाहिरी सुरक्षामा सेना र सशस्त्रलाई खटाउने गरी सुरक्षा कार्ययोजना बनाइएको बताउनुभयो । म्यादी प्रहरीले ४० दिनको तलब, भत्ता, रासन, पोसाक बापत एकमुष्ट ५० हजार १ सय ६० रुपैयाँ पाउने भएका छन् ।
© 2026 All right reserved to sindhulisaugat.com
Design & Developed By
