मंगलवार , आश्विन ४, २०७९
सिन्धुली – नक्कली सुनको बिस्कुट देखाएर सक्कली सुन भनेर ठगी गर्ने सिन्धुली दुधौली नगरपालिका –१२ (साबिक जिनाखु गाबिस) का ३९ बर्षिय बिरबहादुर घिसिङ पक्राउ परेका छन ।
चितवनको नारायणगढ र भरतपुर बजार क्षेत्रमा महिलालाई नक्कली सुनको बिस्कुट देखाएर सक्कली सुन भनी ठगी गर्दैगर्दा घिसिङलाई चितवन प्रहरीले पक्राउ गरेको हो ।
घिसिङले महिलालाई लक्षित गरी नक्कली सुनको बिस्कुट देखाई “तपाईले लगाएको कानको मुन्द्रा हामीलाई दिनुहोस्, तपाईलाई मैले सुनको बिस्कुट र नगद रकम दिन्छु” भनि ललाई फकाई गरी महिलाहरूले लगाएको सक्कली सुनका गरगहनाहरू झुक्याई लाने गरेको प्रहरीले जनाएको छ ।
पीडित महिलाहरूले गरेको गुनासोका आधारमा भदौ ३१ गते दिउँसो करिब साढे ११ बजेको समयमा भरतपुर–१० विरेन्द्र क्याम्पस अगाडिबाट घिसिङलाई नक्कली सुन जस्तो देखिने धातुको पदार्थ र बाहिर एक हजारको नोट र भित्र १० रुपैयाँको नोट राखी एक बन्डल बनाएको रकमसहित प्रहरीले पक्राउ गरेको चितवन प्रहरीका प्रवक्ता विजयराज पण्डितले जानकारी दिनु भयो ।
© 2026 All right reserved to sindhulisaugat.com
Design & Developed By
