सिन्धुली – कमलामाई नगरपालिका ४ च्याउकोटको शिद्धबाबा भ्यूटावर निर्माण कार्य अन्तिम चरणमा पुगेको छ । भ्यूटावरको ९५ प्रतिशत निर्माण कार्य सकिसकेको कमलामाई नगरपालिका ४ का वडा अध्यक्ष महेन्द्र ढकालले बताउनुभयो । उहाँका अनुसार भ्यूटावरमा रिपेरिंग र केहि मात्रमा वाइरिंगको काम बाकीँ रहेको छ ।

गत मंसिरमा निर्माण सम्पन्न गरिने सम्झौता भएपनि कोरोना प्रकोपको कारण निर्माणमा प्रभाव परेको थियो । ढकालले भ्यूटावर निर्माण गुणस्तर भएको दाबी समेत गर्नु भएको छ । गुणस्तर सामाग्री प्रयोग गर्न आफुले बेलाबेला ठेकेदारलाई आग्रह गरिरहेको उहाँको भनाई छ । “भ्यूटावर निर्माणमा गुणस्तर सामाग्री नै प्रयोग भएको छ । हामीले बेलाबेला खबरदारी समेत गरेका छौ । प्राविधिकको सहयोगमा अनुगमन पनि गरिरहेका छौँ ,” वडा अध्यक्ष ढकालले भन्नुभयो ।

शिद्धबाबा भ्यूटावर निमार्णले सिन्धुलीमा पर्यटक भित्र्याउन महत्वपूर्ण भुमिका खेल्ने वडा अध्यक्ष ढकालको भनाइ छ । साथै उहाँले ऐतिहासिक स्थिल शिद्धबाबा मन्दीर नजिक भ्यूटावर निमार्णमा र पदमार्ग निर्माणमा आफ्नो भुमिका रहेको बताउनुभयो । अध्यक्ष ढकालका अनुसार आधुनिक भ्यूटावर निमार्ण भइरहेको छ ।

बागमती प्रदेश सभा सदस्य विनोद कुमार खड्काले भ्यूटावर निमार्णमा गुणस्तर सामाग्री प्रयोग गर्न ठेकेदारलाई आफुले बारम्बार आग्रह गरिरेहेको बताउनुभयो । निमार्ण सामाग्री गुणस्थर भए नभएको प्राविधिकको सहयोगमा आफुले पनि अनुगमन गरेको उहाँले बताउनुभयो । बागमती प्रदेशको कुल २ करोड ४८ लाख ६२ हजार लागत सहयोगमा भ्यूटावर निमार्ण सम्पन्न हुने छ ।

गत ०७७ भदौ १८ गते ड्रयागन कन्ट्रसन प्रालि बानेश्वर १०, काठमाडौ सँग भ्याट सहित १ करोड ९२ लाख २३ हजार ६ सय ४५ रुपैयामा निमार्ण सम्पन्न गरिने सम्झौता भएको हो । भ्यूटावर ७ मिटर हाइटको पाँचौ तल्ला निमार्ण हुने छ । भ्यूटावर सम्म पुग्ने सडक निर्माण भइरहेको वडा अध्यक्ष ढकालले जानकारी दिनुभयो ।

यस्तै मन्दिर देखि भ्यूटावर सम्म पदमार्ग निर्माण हुने भएको छ । बागमती प्रदेश सरकारले पदमार्ग निर्माणका लागि १ करोड बजेट स्वीकृत गरिसकेको वडाअध्यक्ष ढकालले बताउनुभयो । भ्यूटावरलाई शिद्धबाबा मन्दिर सम्म जोडने पदमार्ग निर्माणको काम छिटै नै सुरु हुने उहाँको भनाइ छ । पदमार्ग निमार्ण भएपछि मन्दिर दर्श आउने भक्तजन तथा पर्यटन सहज रुपमा भ्यूटावर सम्म पुग्ने सक्ने छन् । पाँच फिटको बाटोमा दोहोरो रेलिङ सहित सिडिसहितको पदमार्ग निर्माण हुने छ । पदमार्ग निर्माणले पर्यटन भित्रयाउन सहयोग गर्न उहाँको भनाइ छ ।