८८ किलो सुनका मालिक मिङ दम्पत्ति, तीन भारतीयसहित ५ पक्राउ

प्रकाशित समय 5:06 AM

काठमाडौं, ४ असोज – अघिल्लो महिना बरामद भएको ८८ किलो सुनको मालिक चिनियाँ नागरिक मिङ दम्पत्ति भएको खुलेको छ । साथै तस्करीमा संलग्न तीन भारतीय र दुई नेपाली सुन व्यवसायी पक्राउ पनि परेका छन् ।


प्रहरीले भदौ १९ गते क्षेत्रपाटीबाट ८८ किलो सुन बरामद गरेको थियो ।


महानगरीय प्रहरी अपराध महाशाखाका अनुसार यो सुन चिनियाँ नागरिक पान विई मिङ र याङ वेन विङको भएको खुलेको छ ।

मिङ दम्पत्तिले क्षेत्रपाटीमा काठमाडौं वान होटल सञ्चालन गर्दै आएका छन् । यो सुन तस्करीमा मिङ दम्पत्ति संलग्न देखिएको महाशाखाका एसपी नरेशप्रसाद उप्रेतीले बताए ।

प्रहरीले पाँच सुन व्यापारीलाई पक्राउ परेको छ । न्यूरोडस्थित रञ्जना कम्प्लेक्समा कार्यविनायक सुनचाँदी गहना पसलका सञ्चालक गणेश दत्त वडुलाई १० लाख ८२ हजा नेपाली, ८ लाख भारु र ११ सय डलरसहित पक्राउ गरेको छ ।

यस्तै भारत महाराष्ट्र घर भई ओटुमा पशुपति सुनचाँदी खार्नी पसल सञ्चालन गर्ने नन्दकुमार मर्गले, सिद्धनाथ सुनचाँदी खार्नी पसलका उल्लास दिनकर सालुखे र शाक्य सुनचाँदी पलसका सञ्चालक शुभरत्न शाक्य पक्राउ परेका छन् । शाक्यको साथबाट १ करोड ४२ लाख नगद, एक केजी २०९ ग्राम सुन र २ हजार ४७८ चाँदीका सिक्का बरामद भएको छ ।

यसैगरी भारत विहार घर भई नरदेवीमा रविश्या ट्रेडर्स सञ्चालन गर्ने सत्यनारायण अग्रवाललाई १३ लाख ५० हजारसहित पक्राउ गरेको छ ।






फेसबुकबाट तपाईको प्रतिक्रिया

सम्बन्धित समाचार

नयाँ
« Prev Post
पुराना समाग्री
Next Post »